New Approach to Broadcasting Services

Get to Know Our Products

Digital Future of Kurdistan

ده‌رباره‌ی ئێمه‌

كۆمپانیای یونایتد میكس میدیا، گەورەترین سەکۆی پەخشی میدیایی یاساییە لە هەرێمی کوردستان لە ساڵی ٢٠١٢ دامەزراوە، كە بە گوێرەی یاسا و ڕێنماییە كارپێكراوەكانی حكومەتی هەرێمی كوردستان كار دەكات و فراوانترین تۆری دیجیتاڵی ته‌له‌فزیۆنی زه‌مینی له‌ سه‌رتاسه‌ری هه‌رێمی كوردستان دامه‌زراندووه‌.

نوێترین هەواڵ



ڕوونكردنه‌وه‌یه‌ك سه‌باره‌ت به‌ راگرتنی خزمه‌تگوزارییه‌كانی كۆمپانیای یونایتد میكس میدیا له‌ شاری كه‌ركوك

سه‌رجه‌م به‌شداربووانمان له‌ شاری كه‌ركوكی خۆشه‌ویست ئاگادار ده‌كه‌ینه‌وه‌ كه‌وا كۆمپانیای یونایتد میكس میدیا سه‌رجه‌م خزمه‌تگوزارییه‌كانی له‌ شاره‌كه‌دا راگرتووه‌.
به‌هۆی كه‌مبوونه‌وه‌ی به‌رچاوی ته‌زووی كاره‌با و پچرانی به‌رده‌وامی هێلی ئینته‌رنێت به‌ تایبه‌تی، كۆسپی گه‌وره‌ له‌به‌رده‌م به‌ڕێوه‌چوونی كاره‌كانمان دروست بوون و ئه‌م كۆسپانه‌ ده‌بنه‌ هۆكاری دابه‌زینی به‌رچاوی كوالیتی خزمه‌تگوزارییه‌كانمان و گه‌یاندنیان به‌ به‌شداربووانمان.

له‌به‌ر ئه‌م هۆكارانه‌ی سه‌ره‌وه‌، له‌ كۆتایی مانگی كانوونی دووه‌می 2018 كۆمپانیای یونایتد میكس میدیا سه‌رجه‌م خزمه‌تگوزارییه‌كانی له‌ شاری كه‌ركوك راگرت.
سه‌رجه‌م به‌شداربووانمان له‌ شاری كه‌ركوك كه‌ رسیڤه‌ری یونایتد میكس میدیایان كڕیبوو په‌یوه‌ندییان پێوه‌كراوه‌ بۆ گه‌راندنه‌وه‌ی رسیڤه‌ره‌كان و وه‌رگرتنه‌وه‌ی هه‌مان ئه‌و نرخه‌ی رسیڤه‌ره‌كانیان پێ كڕیبوو.

له‌ ئێستادا له‌ (90%)ی به‌شداربووان قه‌ره‌بوو كراونه‌ته‌وه‌ و پاره‌ی كڕینی رسیڤه‌ره‌كانیان وه‌رگرتۆته‌وه‌. تكامان وایه‌ ئه‌و به‌ڕێزانه‌ی تا ئێستا له‌ ئۆفیسی له‌ كه‌ركوك كۆمپانیا ئاماده‌ نه‌بوون بۆ وه‌رگرتنه‌وه‌ی قه‌ره‌بووه‌كانیان، تا به‌رواری 22/2/2018 ئاماده‌ بن بۆ قه‌ره‌بوو كردنه‌وه‌یان.

ئه‌و به‌شداربووانه‌ی قه‌ره‌بوو كراونه‌ته‌وه‌ ته‌نیا رسیڤه‌ره‌كانیان لێ وه‌رگیراوه‌ته‌وه‌ به‌ سه‌رجه‌م به‌شه‌كانییه‌وه‌، ئه‌و ئه‌نتێن و كێبله‌ی له‌گه‌لأ رسیڤه‌ره‌كان فرۆشرابوون كرانه‌ دیاری بۆ به‌شداربووان و پێویست به‌ گه‌راندنه‌وه‌یان ناكات.

هه‌روه‌ها هه‌ر به‌شداربوویه‌ك بیه‌وێت رسیڤه‌ره‌كه‌ی له‌ ناوچه‌یه‌كی تر له‌ هه‌رێمی كوردستان به‌كاربهێنێت ده‌توانێت په‌یوه‌ندی به‌ سه‌نته‌ری راژه‌ی به‌شداربووانمانه‌وه‌ بكات بۆ وه‌رگرتنی زانیاری.

كۆمپانیای یونایتد میكس میدیا ئه‌گه‌ر چی دڵگرانه‌ به‌ راگرتنی خزمه‌تگوزارییه‌كانی له‌ شاری كه‌ركوك، به‌ڵام شانازی به‌ پێشوازی و متمانه‌ی به‌شداربووانی ده‌كات به‌ كاره‌كانمان و سه‌رجه‌م به‌شداربووانمان له‌ هه‌موو شوێنێك دڵنیا ده‌كه‌ینه‌وه‌ كه‌ هه‌میشه‌ له‌ ئاست ئه‌و متمانه‌یه‌ ده‌بین و هه‌موو هه‌وڵێك ده‌ده‌ین هیچ به‌شداربوویه‌كمان زه‌ره‌رمه‌ند نه‌بێت له‌ ئه‌نجامی كاره‌كانمان. قه‌ره‌بووكردنه‌وه‌ی سه‌رجه‌م به‌شداربووانمان له‌ شاری كه‌ركوك باشترین به‌ڵگه‌یه‌ بۆ ئه‌و راستیه‌.
یونایتد میكس میدیا
15/2/2018

ڕوونكردنه‌وه‌

یونایتد میكس میدیا كۆمپانیایه‌كی كه‌رتی تایبه‌ته‌ و خاوه‌نی گه‌وره‌ترین سه‌كۆی په‌خشی میدیاییه‌ كه‌ له‌ژێر ڕۆشنایی یاسا و ڕێنماییه‌ كارپێكراوه‌كانی حكومه‌تی هه‌رێمی كوردستان و وه‌زاره‌تی رۆشنبیری و لاوان كار و چالاكییه‌كانی ئه‌نجام ده‌دات، كه‌ سه‌رجه‌میان به‌ ئاشكرا و ئاگاداركردنه‌وه‌ی پێش وه‌ختی به‌شداربووانمان بووه‌ و هه‌ر به‌و شێوه‌یه‌ش ده‌مێنێته‌وه‌.
ماوه‌ی چه‌ند رۆژێكه‌ ده‌نگۆی ڕاگرتنی رسیڤه‌ره‌كانی یونایتد میكس میدیا له‌ چه‌ندین ماڵپه‌ر و لاپه‌ڕه‌كانی تۆره‌ كۆمه‌ڵایه‌تییه‌كان بڵاو بۆته‌وه‌. لێره‌وه‌ به‌شداربووانی به‌ڕێزمان دڵنیا ده‌كه‌ینه‌وه‌ كه‌ ئه‌م هه‌واڵانه‌ هیچ بنه‌مایه‌كیان نییه‌ و دوورن له‌ ڕاستییه‌وه‌. ئه‌و رسیڤه‌رانه‌ی ئێستا به‌ شێوه‌ی سیستمى (كۆد) له‌ چوارچێوه‌ی تۆری دیجیتاڵی ته‌له‌فزیۆنی زه‌مینی (DVBT/T2)ی تایبه‌ت به‌ یونایتد میكس میدیا كه‌ له‌ زاخۆوه‌ تا كه‌لار كارده‌كه‌ن، به‌هیچ جۆرێك گۆرانكارییان به‌سه‌ردا نایه‌ت و له‌كار ناخرێن، هه‌روه‌ها له‌ڕووی شێواز و ماوه‌ی كاركردن و نرخی فرۆشتنه‌وه‌ وه‌كوو خۆی ده‌مێنێته‌وه‌. واتا ئه‌و رسیڤه‌رانه‌ی تایبه‌تن به‌ یونایتد میكس میدیا و ئێستا له‌بازاره‌كاندا ده‌فرۆشرێن به‌رده‌وام ده‌بن له‌كاركردن له‌گه‌ڵ ته‌مه‌نی رسیڤه‌ره‌كه‌ و فرۆشتنیان به‌ شێوازی پاكێج (ڕسیڤه‌ر + ئه‌نتێن + كیبڵ + یه‌ك ساڵ گه‌ره‌نتی) به‌رده‌وام ده‌بێت.
سه‌باره‌ت به‌ جێگیركردنی سیستمی كارت بۆ به‌شداری مانگانه‌ و ساڵانه‌ی رسیڤه‌ره‌كان و به‌رده‌ست كردنی پاكێجى رسیڤه‌ری جیاواز و به‌ نرخی جیاواز، به‌ هه‌موو لایه‌ك راده‌گه‌یه‌نین كه‌ هیچ گۆرانكارییه‌ك له‌ ئێستادا له‌ ئارادا نییه‌ و ئه‌م بابه‌تانه‌ سه‌رجه‌میان له‌ قۆناغی گفتوگۆ و دیراسه‌ت كردنن به‌ جۆرێك كه‌ له‌گه‌ڵ بارودۆخی ئێستای هه‌رێمی كوردستان بگونجێت و له‌ كاتی ته‌واو بوونی ئاماده‌كارییه‌كان سه‌رجه‌میان بۆ رای گشتی و به‌شداربووانمان ده‌خه‌ینه‌ڕوو.
هه‌روه‌ها داواكارین له‌ هه‌موو لایه‌ك بۆ زانینی هه‌واڵی دروست سه‌باره‌ت به‌ كار و پرۆژه‌كانی یونایتد میكس میدیا سه‌ردانی ماڵپه‌ری فه‌رمی و لاپه‌ره‌ی فه‌رمی كۆمپانیا له‌ تۆری كۆمه‌لایه‌تی فه‌یسبوك بكه‌ن.
كۆمپانیای یونایتد میكس میدیا
9/12/2017


كەناڵەكان