دەربارەی ئێمە

پێشەکی

كۆمپانیای یونایتد میكس میدیا، گەورەترین سەکۆی پەخشی میدیایی یاساییە لە هەرێمی کوردستان لە ساڵی ٢٠١٢ دامەزراوە، كە بە گوێرەی یاسا و ڕێنماییە كارپێكراوەكانی حكومەتی هەرێمی كوردستان كار دەكات و فراوانترین تۆری دیجیتاڵی ته‌له‌فزیۆنی زه‌مینی له‌ سه‌رتاسه‌ری هه‌رێمی كوردستان دامه‌زراندووه‌.
هەروەها یونایتد میكس میدیا گەورەترین كۆمپانیای خزمەتگوزاری پەخشی تەلەفزیۆنییە لە عێراقدا، کە لە ئێستادا لە هەرێمی کوردستان خزمەتەکانی پێشکەش دەکات و بە ئامانجی فراوان كردنی خزمەتگوزارییەكانی كاردەكات لە سەرتاسەری عێراقدا .
ئێمە یەکەمین كۆمپانیای وەبەرهێنەرین بۆ بنیادنانی ژێرخانی خزمەتگوزاری پەخشی تەلەفزیۆنی لە ووڵاتدا. هەروەها یونایتد میکس میدیا یەکەمین كۆمپانیایە کە وەبەرهێنان لە ڕێكخستنی پەخشی كەناڵە ناوخۆییە كوردییەكان و بیانییەكاندا بکات وە بە شێوەیەكی یەكگرتوو لەسەر سیستەمی DVB-T/T2 كۆیان ده‌كاته‌وه‌.
لەئێستادا یونایتد میکس میدیا سیستەمەکەی دەگۆڕێت بۆ (DVBT2) کۆد بە شێوەیەک کە یەک سیستەمی پەخش گشت ناوەڕۆکەکان پەخش دەکات کە لە تۆری هەرێمی کوردستاندا هەیە. گشت ئەمانە لەڕێگەی ئەو (25) وێستگەیەی یونایتد میکس میدیاوە ئەنجام دەدرێت کە لە هەرێمی کوردستآندا دامەزرێندراوە لە زاخۆوە بۆ قەزای کەلار.

مێژووی کۆمپانیا

سەرەتا بە شیوەیەکی فه‌رمی چەمکی DVBT لە ساڵی ٢٠٠٩ دا بەخەڵکی هەرێم و لایەنە په‌یوه‌ندیداره‌كان ناسێندرا. بەهۆی کەمی سەرمایە و قەیرانی دارایی لە هەرێمی کوردستاندا گەشەسەندنی کۆمپانیا تاکو ناوەڕاستی ٢٠١٥ له‌سه‌ر خۆبوو، به‌ڵام له‌و كاته‌دا کۆمپانیا هاوبەشێکی نوێی ڕاگەیاند بەمەبەستی بەردەوام بوون لە گەشەسەندن کە ئەمەش بووە خاڵی وەرچەرخان لە مێژووی یونایتد میکس میدیادا و ڕێگه‌ی خۆشكرد بۆ زیاتر بەرفراوان کردنی سیستەمەکە بۆ گشت ناوچەکانی هەرێمی کوردستان. یونایتد میکس میدیا بەشێوەیەکی سەرکەوتوو گەیشتۆتە زیاتر لە %٧٠ی ناوچەکانی هەرێم، هەروەها پەرەی بە پلانی گەشەسەندنی داوە لە پارێزگای کەرکوک.
له‌ سەرەتای دەستبەکاربوونی په‌خشی یونایتد میکس میدیا بە شێوازی FTA بوو واتە (پەخشی بێ بەرامبەر) کە لە ساڵی ٢٠١٢ تا ئەمڕۆ بەم شێوەیە کاری کردووە. یونایتد میکس میدیا سیستەمی DVBT2 لە زاخۆ و ناوه‌ندی پارێزگای دهۆك و پارێزگای هەولێر(جگە لە سه‌نته‌ری شار) و پارێزگای سلێمانی (جگە لە سه‌نته‌ری شار) و پارێزگای کەرکوک و قەزای کەلار و قه‌زای چه‌مچه‌ماڵ به‌كار ختسووه‌.

ئامانج

ئامانجی ئێمە دابینکردنی سیستەمێکی باوەرپێکراو و بێ پچرانی پەخشە بۆ کەناڵە ناوخۆییەکانی هەواڵ و خوشگوزەرانی لە ڕێگەی نوێترین سیستەمی تەکنەلۆجیای تۆری دیجیتاڵی تەلەفزیۆنی زەمینی (DVBT/T2) لە سەرتاسەری هەرێمی کوردستان. ئێمە وەبەرهێنانێکی گەورە لە ژێرخانی ئەم پیشه‌سازییه‌دا دەکەین لە رێگەی دامەزراندنی زیاتر لە ٢٥ وێستگەی پەخش و باشترین کەلو پەلی پەخش و ناردن و بڵاوکردنەوە لەم پرۆژەیەدا دەخەینە کار، لەگەل دابین کردنی کارەبای بەردەوام وسیستەمی بەرگریکردنی ئامێرەکان و پاراستنیان لە هەورە بروسکە، هەروەها لە هەوڵێکی بێ ووچانداین بۆ گەیاندنی پەخش بۆ سەرتاسەری هەرێمی کوردستان تا کۆتایی سالی ٢٠١٧ . خزمەتگوزاری پاکێجی رسیڤەری یونایتد میکس میدیا بە باشترین سیستەمی وەرگرتن و بەرگریکردن بۆ هاوڵاتیانی هەرێمی کوردستان دابین کراوە، ئەم پاکێجە بەرنامەکانی بە زمانی کوردی ئامادە کراوە لەگەڵ پرۆگرامێکی پارێزراو و گه‌رەنتی (1) ساڵی بەکارهێنان. ئەوە ئامانجی ئێمەیە کە باشترین و دواهەمین تەکنەلۆجیای بواری پەخش بهێنینە هەرێمی کوردستان. ئێمە هەوڵ دەدەین بو دروست کردنی متمانە لە نێوان یونایتد میکس میدیا و بینەران و کەناڵە تەلەفزیۆنییە بەشداربووەکان وە پێدانی دڵنیایی لە بەردەستخستنی نوێترین تەکنەلۆجیای بواری پەخش لە هەرێمی کوردستان.

تێروانین

یونایتد میکس میدیا هەوڵ دەدات لە رێگای تۆری دیجیتاڵی تەلەفزێونی زەمینییەوە ببێتە سەرچاوەیەکی سەرەکی لە بوارەکانی هەواڵ و وەرزش و مۆسیقا و منداڵان و خێزان، بۆ خزمەت کردنی هاوڵاتیانی هەرێمی کوردستان، مەبەستمانە لەم رێگەیەوە وەرچەرخانێکی کلتوری و خوشگوزەرانی بۆ خەڵکی کوردستان هاوشێوەی کۆمەڵگا پێشکەوتووەکانی جیهان بەدی بێنین، کە سەرجەم پێکهاتە جیاوازەکان رەنگدانەوەیان تێدا هەبێت. بێگومان ئەم بیرۆکانە لە رێگای نوێترین و پيشکەوتووترین تەکنەلۆجیاوە دەبێت و نایابترین خزمەتگوزاری دەگەیەنین بە بینەران و کەناڵە تەلەفزێونییەکان. لە رێگەی ئەم سیستەمەوە ئومێدمان وایە مەودای خزمەتگوزاریەکانمان فراوانتر بکەین و بیگەیەنینە سەرجەم ئەو ناوچانەی زمانی ئاخاوتنیان کوردییە بۆ خزمەتکردنی کۆمەڵگا کوردییەکان لە هەر شوینێک بێت، ئەمەش وا دەکات کە هەرێمی کوردستان ببێتە مەڵبەندێکی دیجیتاڵی پێشکەوتوو لە ڕۆژهەڵاتی ناوەراستدا.